PAN 2.0 : ભારત સરકારે તાજેતરમાં પરમેનન્ટ એકાઉન્ટ નંબર PAN 2.0 ની જાહેરાત કરી છે. PAN 2.0 પ્રોજેક્ટ શું છે, કોણ લઈ શકે છે લાભ અને કઈ રીતે ફ્રી ડાઉનલોડ કરો QR કોડ વાળું પાન કાર્ડ, જાણો સ્ટેપ બાય સ્ટેપ માહિતી.
PAN 2.0: ભારતમાં પાન કાર્ડને લગતા નિયમોમાં તાજેતરમાં ફેરફાર કરવામાં આવ્યા છે. સરકારે PAN 2.0 પ્રોજેક્ટ શરૂ કર્યો છે. જે અંતર્ગત હવે લોકોને હાઇટેક પાન કાર્ડ આપવામાં આવશે. પરંતુ શું દરેક વ્યક્તિ માટે આ પાન કાર્ડ બનાવવું જરૂરી બનશે?
PAN 2.0
Digital PAN Card On Email: આધાર કાર્ડ જેમ પાન કાર્ડ પણ ડિજિટલ ફોર્મેટમાં મેળવી શકાય છે. તમારા ઈમેલ આઈડી પર E PAN Card મેળવવા માટે અહીં જણાવેલા સ્ટેપ બાય સ્ટેપ પ્રોસેસ અનુસરી સરળતાથી ઇ પાન કાર્ડ ઇમેજ પર મેળવી શકાય છે.
જૂના કાર્ડ ચલણમાં છે. નવેસરથી અરજી કરવાની જરૂર નથી.
કોઈ કરેક્શન કે અપડેશન હોય ત્યારે તમે 2.0 માટે અરજી કરી શકો છો અને નવું કાર્ડ મેળવી શકો છો. કેન્દ્ર સરકારે સ્પષ્ટતા કરી છે કે જૂના અને નંબર્સ નવી સિસ્ટમમાં પણ કામ કરશે.
એ પણ નોંધવું જોઈએ કે આવકવેરા વિભાગ પહેલાંથી જ PAN કાર્ડ ધરાવતી વ્યક્તિને નવા કાર્ડ ઈસ્યુ કરશે નહીં.
સરકારના આ પગલાનો ઉદ્દેશ્ય પાન કાર્ડ સંબંધિત સુવિધા અને સુરક્ષામાં સુધારો કરવાનો છે, જે અંતર્ગત QR કોડ સાથેનું ઈ-પાન કાર્ડ અરજદારોના રજિસ્ટર્ડ મેઈલ એડ્રેસ પર મફતમાં મોકલવામાં આવશે. જોકે, કાર્ડધારકે આ માટે અરજી કરવાની રહેશે. એવું કહેવામાં આવી રહ્યું છે કે QR કોડ સાથેનું ફિઝિકલ પાન કાર્ડ મેળવવા માટે લોકોએ અલગથી અરજી કરવી પડશે અને તેના માટે ચાર્જ ચૂકવવો પડશે.
આવકવેરા વિભાગના PAN 2.0 પ્રોજેક્ટ હેઠળ પાન કાર્ડ નંબર એલોટમેન્ટ, અપડેટ અથવા સુધારો મફત થશે અને ડિજિટલ પાન એટલે કે e-PAN લોકોના રજિસ્ટર્ડ ઇ મેલ એડ્રેસ પર મોકલવામાં આવશે. ફિઝિટલ પાન કાર્ડ માટે, અરજદારોએ 50 રૂપિયાની ફી સાથે અરજી કરવાની રહેશે. આ ચાર્જ ભારતમાં રહેતા લોકો માટે છે. જો કે PAN 2.0 પ્રોજેક્ટ હજુ સુધી દેશમાં શરૂ થયો નથી, તેમ છતાં કરદાતાઓ તેમના મેઇલ પર ડિજિટલ PAN મેળવવા માટે વિનંતી કરી શકે છે.
જો કોઈ વ્યક્તિએ PAN 2.0 હેઠળ પાન કાર્ડ ન બનાવ્યું હોય. તો શું તેને દંડ થશે? તેવા સવાલો પણ ઘણા લોકોના મનમાં આવી રહ્યા છે. અને જો તમે પણ આવું જ વિચારી રહ્યા હોવ તો તમને જણાવી દઈએ કે એવું બિલકુલ નથી કે સરકાર દંડ લગાવે.
ફ્રી ડાઉનલોડ કરો QR કોડ વાળું પાન કાર્ડ
NSDL વેબસાઇટ પરથી ડિજિટલ PAN કઈ રીતે મેળવી શકાય?
- જો તમારું PAN કાર્ડ NSDL દ્વારા જારી કરવામાં આવ્યું છે, તો આ પગલાં અનુસરી તમે તમારા મેઇલ પર ડિજિટલ પાન કાર્ડ મેળવવા માટે વિનંતી કરી શકો છો.
- સૌ પ્રથમ NSDL ની સત્તાવાર વેબસાઇટ www.onlineservices.nsdl.com/paam/endUserRegisterContact.html પર જાઓ.
- હવે સ્ક્રીન પર દેખાતા ડાઉનલોડ ePAN/e-PAN XML પર ક્લિક કરો અથવા આ સીધી આ લિંક www.onlineservices.nsdl.com/paam/requestAndDownloadEPAN.html કોપી કરો નવા વિન્ડમાં ઓપન કરો.
- હવે પાન કાર્ડ નંબર, આધાર નંબર અને જન્મ તારીખ જેવી વિગતો દાખલ કરો.
- સ્ક્રીન પર દેખાતા નિયમો પર તમારી સહમતી સાથે યોગ્ય બોક્સ સિલેક્ટ કરી સબમિટ બટન પર ક્લિક કરો.
- હવે સ્ક્રીન પર દેખાતી તમારા PAN સંબંધિત માહિતી તપાસો અને ખાતરી કરો કે તે આવકવેરા રેકોર્ડ મુજબ સાચી છે.
- હવે આધાર ડેટાબેઝમાં રજિસ્ટર્ડ મોબાઇલ નંબર અને ઇમેઇલ બંનેમાંથી એક અથવા બંને પર ડિજિટલ PAN મેળવવાનો વિકલ્પ પસંદ કરો. આટલું કરતા જ OTP આવી જશે, જેને 10 મિનિટ દાખલ કરો.
- આ રકમની ચૂકવણી બાદ Continue બટન પર ક્લિક કરો.
- ઈ-પાન આવકવેરા વિભાગના તમારા રજિસ્ટર્ડ ઈ-મેલ આઈડી પર મોકલવામાં આવશે.
ઇ પાન કાર્ડ એટલે કે ડિજિટલ PAN મેળવવાની આ સુવિધા તે પાન કાર્ડ ધારકો માટે ઉપલબ્ધ છે જેમની અરજી પર તાજેતરમાં NSDL Protean દ્વારા પ્રક્રિયા કરવામાં આવી છે. Protean મારફતે સબમિટ કરવામાં આવેલી PAN અરજીઓ માટે, જો PAN નંબર જારી થયાને અથવા અપડેટ થયાના 30 દિવસ પસાર થયા નથી, તો આવી સ્થિતિમાં, તમે રજિસ્ટર્ડ મેઇલ પર 3 વખત મફતમાં ડિજિટલ PAN મેળવી શકો છો. જો PAN જારી થયાને અથવા અપડેટ થયાના 30 દિવસ વીતી ગયા છે, તો આવી સ્થિતિમાં, રજિસ્ટર્ડ મેઇલ પર ડિજિટલ PAN મેળવવા માટે, તમારે લગભગ 10 રૂપિયા ખર્ચવા પડશે.
શું મારે PAN 2.0 હેઠળ મારું PAN કાર્ડ બદલવાની જરૂર છે?
જ્યાં સુધી PAN ધારક કોઈ ફેરફાર/સુધારણા ઇચ્છતો ન હોય ત્યાં સુધી PAN કાર્ડ બદલવામાં આવશે નહીં. હાલના માન્ય PAN કાર્ડ્સ PAN 2.0 હેઠળ માન્ય રહેશે.
એક કરતાં વધુ PAN ધરાવતા લોકો વધારાના PAN કેવી રીતે દૂર કરશે?
આવકવેરા અધિનિયમ, 1961ની જોગવાઈઓ અનુસાર, કોઈ પણ વ્યક્તિ એક કરતાં વધુ PAN રાખી શકે નહીં. જો કોઈ વ્યક્તિ પાસે એક કરતાં વધુ PAN હોય, તો તે તેને ન્યાયક્ષેત્રના મૂલ્યાંકન અધિકારીના ધ્યાન પર લાવવા અને વધારાના PAN કાર્ડ નિષ્ક્રિય કરવા માટે બંધાયેલા છે. PAN 2.0 માં, PAN માટેની સંભવિત ડુપ્લિકેટ વિનંતીઓને ઓળખવા માટે વધુ સારું સિસ્ટમ તર્ક છે અને ડુપ્લિકેટ PAN ના કેસોને ઉકેલવા માટે કેન્દ્રિય અને અદ્યતન પદ્ધતિ દ્વારા એક કરતા વધુ PAN ધરાવનાર વ્યક્તિના કેસમાં ઘટાડો કરવામાં આવશે.
હાલમાં PAN સંબંધિત સેવાઓ ત્રણ અલગ-અલગ પોર્ટલ પર પૂરી પાડવામાં આવે છે. PAN 2.0 પ્રોજેક્ટમાં, તમામ PAN/TAN સંબંધિત સેવાઓ ITD ના એક સંકલિત પોર્ટલ પર હોસ્ટ કરવામાં આવશે. આ પોર્ટલ PAN અને TAN ને લગતી તમામ એન્ડ-ટુ-એન્ડ સેવાઓ પૂરી પાડે છે જેમ કે ફાળવણી, અપડેટ, કરેક્શન, ઓનલાઈન PAN વેરિફિકેશન (OPV), તમારો AO જાણો, આધાર-PAN લિંકિંગ, તમારા PAN ચકાસો, e-PAN માટેની વિનંતી અને વિનંતી. PAN કાર્ડ વગેરેની પુનઃપ્રિન્ટ માટે, ત્યાં પ્રક્રિયાઓને વધુ સરળ બનાવે છે.