Saif Ali Khan Attacked : બોલીવૂડ અભિનેતા સૈફ અલી ખાન પર ઘરમાં ઘૂસીને કોઈ અજાણ્યા સખ્સ દ્વારા છરી વડે હુમલો કરવામાં આવ્યો, સૈફ અલી ખાન હાલ લીલાવતી હોસ્પિટલમાં દાખલ છે.
Saif Ali Khan Attacked
અભિનેતા સૈફ અલી ખાન પર છરીથી હુમલો કરવામાં આવ્યો છે. બોલીવૂડ અભિનેતા સૈફ અલી ખાન અને અભિનેત્રી કરીના કપૂરના બાંદ્રા વેસ્ટ સ્થિત ઘરમાં રાત્રે 2 વાગ્યે અજાણ્યા ઘરમાં ધુસીને સૈફ અલી ખાન પર તીક્ષ્ણ હથિયારથી હુમલો કર્યો હતો. તેના શરીર પર 2-3 વાર હુમલો થયો છે. અભિનેતા હાલમાં મુંબઈની લીલાવતી હોસ્પિટલમાં દાખલ છે.
આ ઘટના મોદી રાત્રે લગભગ 2 વાગ્યાની આસપાસ બની હોવાનું કહેવાય છે. મુંબઈ પોલીસે એક નિવેદન જરી કરીને કહ્યું છે કે એક અજાણ્યો વ્યક્તિ રાત્રે સૈફ-કરીનાના ઘરમાં ઘૂસી ગયો અને અભિનેતા પર છરીથી હુમલો કર્યો.
પોલીસે જણાવ્યું કે, “ગઈકાલે મોદી રાત્રે એક અજાણ્યો વ્યક્તિ અભિનેતા સૈફ અલી ખાનના ઘરમાં ઘુસી ગયો અને તેની નોકરની સાથે ઝઘડો કરવા લાગ્યો. જયારે અભિનેતાએ દરમિયાનગીરી કરીને તે વ્યક્તિને શાંત કરવાનો પ્રયાસ કર્યો ત્યારે તેણે સૈફ અલી ખાન પર હુમલો કરીને તેને ઘાયલ કર્યો. પોલીસ આ મામલે તપાસ કરી રહી છે.”
મુંબઈ પોલીસ ડીસીપીએ આ મામલે જણાવ્યું હતું કે અભિનેતા સૈફ અલી ખાનના ઘરમાં એક અજાણ્યો વ્યક્તિ ઘુસી ગયો હતો. અભિનેતા અને તે વ્યક્તિ વચ્ચે ઝપાઝાપ થઇ હતી. અભિનેતા ઘાયલ થયો છે અને તેની સારવાર ચાલી રહી છે, પોલીસ આ મામલે તપાસ કરી રહી છે. આ હુમલામાં સૈફ અલી ખાનને ઈજાઓ થઇ છે.
તેની ગરદનના પાછળના ભાગમાં અને ડાબા હાથ પર ઊંડો ઘા વાગ્યો છે. સૈફની ટીમ સાથે સંકળાયેલ લોકોએ જણાવ્યું કે કેટલાક લોકોને ડર હતો કે કોઈ તીક્ષ્ણ વસ્તુ તેની કરોડરજ્જુમાં વાગી હશે. ગઈકાલે રાત્રે 2:30 વાગ્યે તેમને હોસ્પિટલમાં દાખલ કરવામાં આવ્યા હતા.
